Təqaüdçülər üçün daha yaxşı olan ölkələr | Siyahı açıqlandı

Mütəxəssislər illik qlobal pensiya indeksinə əsasən, 2025-ci ildə təqaüdçülər üçün 5 ən yaxşı ölkənin siyahısını təqdim ediblər.

Bu sıralama yaşayış dəyəri, iqlim, səhiyyə xidmətlərinə çıxış və yerli icmaya inteqrasiya asanlığı daxil olmaqla bir sıra meyarlar üzrə qiymətləndirilir.

Panama birinci yerdə qərarlaşıb. “Pensionado Visa” proqramı sayəsində ayda 1000 ABŞ dolları və ya daha çox zəmanətli gəliri olan təqaüdçülər səhiyyə, nəqliyyat və kommunal xidmətlər üzrə endirimlər də daxil olmaqla əhəmiyyətli üstünlüklərdən yararlana bilərlər.

Siyahıda ikinci pillədə olan Portuqaliya mülayim iqlimi, zəngin mədəni irsi və heyrətamiz sahil mənzərələri ilə məşhurdur. Lissabon və Porto kimi şəhərlər rahat həyat və aktiv istirahət üçün ideal məkandır.

Reytinqdə üçüncü yeri Kosta-Rika tutub. Yerli “pura vida” fəlsəfəsi və sakinlərin mehriban münasibəti əcnəbilər üçün xoş atmosfer yaradır. Meksika bu sıralamada dördüncüdür.

Tarixi, mədəniyyəti və adətləri ilə zəngin bir ölkə olan Meksika bir çox təqaüdçünün dəyər verdiyi ucuzluq və insanlarla xoş ünsiyyətə görə tövsiyə olunur.

İlk beşliyi Fransa qapayır. O, gözəl mətbəxi, incəsənəti və Avropa cazibəsini qiymətləndirənlər üçün unikal ölkədir.