Ronaldonun vətənində heç nə göründüyü kimi deyil | Qeybətcil əhalisi olan ada - ORALARDA NECƏDİR?

“Oralarda necədir?” rubrikasının yeni buraxılışı yayımlanıb.

Bu dəfə dünyanın ən məşhur futbolçularından biri Kriştiano Ronaldonun vətəni Atlantik okeanının ortasında yerləşən Madeyra adasından bəhs olunub.

İlk baxışda hər şey ideal görünür – möhtəşəm okean mənzərələri, tropik bağlar və turistləri valeh edən küçələr. Lakin bu gözəlliyin arxasında tamam fərqli bir həyat gizlənir.

Madeyra sakinləri qeybətcil xarakterləri və bir-birinin şəxsi həyatına həddindən artıq maraq göstərmələri ilə seçilir. Elə buna görə burada insanlar evlərinə yalnız ən yaxınlarını dəvət etməyə üstünlük verirlər.

Ada həm də uzun illər kişilərin ailədaxili zorakılıq halları ilə ad çıxarıb. Son dövrlərdə isə qadınların müdafiəsi üçün sərt hüquqi addımlar atılır və təhlükəsizlik məsələsinə xüsusi önəm verilir.

Bütün bunlar Madeyranı sadəcə gözəl bir turizm məkanı deyil, həm də görünənlə gerçəyin fərqli olduğu maraqlı bir məkana çevirir.