Qaqauz Elindən Ankaraya təcili çağırış | Kömək edin!

"Qaqauz Eli Ankaranın Moldova hakimiyyətinə təsir edəcəyini və bölgənin xüsusi hüquqi statusunun pozulmasına imkan verməyəcəyini gözləyir".

Bunu Qaqauz muxtariyyətinin rəhbəri Yevgeniya Qutsul deyib.

"Ötən ilin sentyabrında Türkiyənin xarici işlər naziri Hakan Fidanla görüşdə hakim partiyanın və Moldova Prezidentinin qaqauz xalqına qarşı yürütdüyü ayrı-seçkilik siyasətindən danışdım. Ümid edirik ki, rəsmi Ankara Kişinyov hakimiyyətinə təsir edəcək və bizim xüsusi hüquqi statusumuzun pozulmasına imkan verməyəcək", – o bildirib.