Pleyeri seçin:
Qazaxıstanda qalmaqallı hadisə | Rus blogerin ifadələri qəzəb yaratdı - Baku TV
Qazaxıstanda ölkəyə qarşı təxribat xarakterli ifadələr işlətməkdə ittiham olunan xarici bloger deportasiya edilib.
Astana polisi Kseniya Quzayeva adlı blogerin sosial media paylaşımlarını araşdırarkən Qazaxıstan vətəndaşlarına, ölkənin mədəniyyətinə və adət-ənənələrinə qarşı təhqiramiz və stereotip xarakterli ifadələr aşkarlayıb.
Bununla bağlı bloger barəsində inzibati iş açılıb, ona cərimə tətbiq olunub və ölkədən çıxarılıb. Quzayevanın Qazaxıstana girişinə beş il müddətinə qadağa qoyulub.
Polis onun hansı konkret ifadələrinə görə məsuliyyətə cəlb edildiyini açıqlamayıb.
Lakin yerli medianın məlumatına görə, bloger yayımlarından birində Astana sakinləri barədə təhqiramiz ifadələr işlədib. Digər çıxışında isə qazaxları rus dilini bilmədiklərinə görə “pis” adlandırdığı bildirilir.
Qazaxıstan polisi bu cür açıqlamaların ölkənin dövlətçiliyinə və ərazi bütövlüyünə qarşı təxribat xarakteri daşıdığını bildirib.
Kopyalandı
Seçilmişlər
