Pleyeri seçin:
Qədim döyüşçülərin “gizli silah”ı üzə çıxdı | Qalmaqal yaradan tapıntı
Xəbərlərimizi Google-da izləyin
Yeniliklərdən dərhal xəbərdar olun
Polşalı alimlər german tayfalarının döyüşçülərinin savaşlardan əvvəl psixotrop maddələrdən istifadə etdiyinə dair sübutlar əldə ediblər.
Tədqiqatlar eramızdan əvvəl III-V əsrləri əhatə edən Roma imperiyasına aid arxeoloji tapıntılar üzərində aparılıb.
Mütəxəssislər uzunluğu 4-7 santimetr arasında dəyişən, tutacaqları və diametri 1-2 santimetr olan, çanaqları içəri qatlanan 241 kiçik qaşıq formasındakı obyekti təsnif ediblər.
Məlum olub ki, bunlar orduda vuruşanların döyüş bacarıqlarını artırmaq, keyfiyyətlərini stimullaşdırmaq üçün nəzərdə tutulan narkotik maddələrin saxlandığı əşyalardır. Kəmərə taxılan artefaktlar indiki Skandinaviya, Almaniya və Polşadakı bataqlıqlarda və məzarlıqlarda aşkar edilib.
Elm adamları müəyyən ediblər ki, german xalqları xaşxaş, çətənə, marixuana və digər uyuşdurucu, həmçinin sərxoşedici maddələrdən Roma dövründəki hərbi münaqişələr, eləcə də mistik rituallar zamanı geniş istifadə ediblər.
Qeyd olunub ki, onlar bu maddələri toz şəklində və yaxud da spirtdə həll edilmiş halda istehlak ediblər.
Kopyalandı
Seçilmişlər
