Qədim əlyazmada görün nə var | Zədələnmiş vərəqi ata bilmədilər, çünki…

Əbu-Dabidəki Zayed Milli Muzeyinin mütəxəssisləri min il əvvəl yaradılan və İslam incəsənətinin ən böyük əsərlərindən biri sayılan, qədim əlyazma olan “Mavi Quran” adlanan kitabda gizli mətn aşkar ediblər.

“Mavi Quran” 9-cu əsrin sonu ilə 10-cu əsrin əvvəlləri arasındakı dövrə aiddir. Əlyazmanın dəqiq mənşəyi məlum deyil. Çox güman ki, Tunisdə, Əndəlüsdə və ya indiki İraqda hazırlanıb.

Əlyazmanı təşkil edən 600 perqament vərəqindən yüzdən çoxu günümüzə qədər gəlib çatmayıb. Onların bəziləri şəxsi kolleksiyaçılarda, digərləri isə dünyanın müxtəlif ölkələrinin muzeylərindədir. Zayed Milli Muzeyində “Mavi Quran”ın beş səhifəsi saxlanılır.

Mütəxəssislər qədim perqamenti görünən işıqda fərqlənməyən detalları üzə çıxaran spektrzonal fotoqrafiya ilə təhlil ediblər. Məlum olub ki, vərəqlərdən birində “Nisa” surəsinin bir parçası gizlənib.

Elm adamları hesab edir ki, bu yolla əlyazmanı yaradanlar xəttatın buraxdığı səhvi gizlətməyə çalışıblar. Perqamentin qiyməti baha olduğundan zədələnmiş vərəqi ata bilməyiblər.