Qərar qəbul edildi: Putin Ermənistana girən kimi həbs olunacaq

03 oktyabr 2023 186 baxış

Ermənistan parlamenti Beynəlxalq Cinayət Məhkəməsinin Roma Statutunu ratifikasiya edib.

Bununla bağlı qərar qanunverici orqanın oktyabrın 3-də keçirilən iclasında qəbul olunub. Deputatların 62-si sənədin qəbuluna “hə” deyib. “Ermənistan” və “Mənim şərəfim” müxalifət fraksiyaları müzakirələrdə iştirak etməyib.

“Ermənistan” fraksiyasının katibi Artsvik Minasyan iclas başlamazdan əvvəl məsələnin parlamentin gündəliyinə salınmasının Ermənistan Konstitusiyasına zidd olduğunu bildirib.

Rusiya XİN isə bəyan edib ki, Ermənistanın Roma Statutunu ratifikasiya etməsi ikitərəfli münasibətlər üçün ən mənfi nəticələrə gətirib çıxaracaq.

Nazirlikdən qeyd edilib ki, İrəvanın Roma Statutunu ratifikasiya etməsindən sonra V.Putinin Ermənistana səfərini təsəvvür etmək çətin olacaq.

Kremlin sözçüsü Dmitri Peskov isə Ermənistan parlamentinin qərarını düşmənçilik kimi qiymətləndirib.

#Ermənistan parlamenti