Qərbi Balkan ölkələrində şaxta daha da güclənəcək

İstanbul şəhərində şiddətli külək və fırtına bəzi fəsadlar törədib. Bu barədə Türkiyə mediası xəbər verib.

Məlumata görə, yanvarın 8-i səhər saatlarından güclü külək səbəbi ilə 45 ağac qopub, 89 dam uçub, 1 istinad divarı çöküb. Bir nəfərin yüngül xəsarət aldığı bildirilir.

Fövqəladə Halların İdarə Olunması Agentliyi (AFAD) yanğınsöndürmə və təcili tibbi yardım bölmələrinə 350-yə yaxın müraciətin olduğunu qeyd edib.

Əlavə edək ki, həftə ərzində Qərbi Balkanlarda da qar və fırtınalı hava şəraiti gündəlik həyatı çətinləşdirib.

Xorvatiyada havanın temperaturu 17 dərəcəyə qədər enib və yaxın günlərdə daha soyuq hava şəraitinin gözlənildiyi qeyd olunub.

Serbiyanın paytaxtı Belqradda, həmçinin Bosniya və Herseqovinada eyni vəziyyət hökm sürür. Qarlı hava şəraiti yollarda nəqliyyatın hərəkətini çətinləşdirib. Sinoptiklərin proqnozuna görə, cümə və şənbə günləri temperatur sıfırdan bir qədər yuxarı qalxsa da, həftənin sonlarına doğru yenidən soyuq hava şəraitinin davam edəcəyi gözlənilir.