Qərbin bu addımı yeri yerindən oynadacaq? - Şoyqudan sensasiyalı açıqlama

“Beynəlxalq arenada böyük dövlətlər arasında geosiyasi rəqabət güclənir, nüvə ölkələri arasında toqquşma riskləri artır”.

Bunu mətbuata müsahibəsində Rusiya Təhlükəsizlik Şurasının katibi Sergey Şoyqu deyib.

Onun sözlərinə görə, Qərb ölkələri Rusiya və Belarusa qarşı ideoloji və dəyərləri sarsıdan təcavüzə əl atıb.

“Onlar nəinki iqtisadi sanksiyalarla zərbə vururlar, həm də ölkələrin daxili siyasi vəziyyətində qeyri-sabitlik yaratmağa çalışırlar. Daxili sabitliyi, ictimai quruluşu pozmaq, yad ideologiyanı yaymaq cəhdləri səngimir”, – deyə S.Şoyqu bildirib.

O əlavə edib ki, Qərbin bu hərəkətləri təkcə Rusiya və Belarusa deyil, bütövlükdə beynəlxalq vəziyyətə neqativ təsir göstərir:

“Beynəlxalq strukturların, yəni Ümumdünya Ticarət Təşkilatı, Ümumdünya Səhiyyə Təşkilatı və Kimyəvi Silahların Qadağan Olunması Təşkilatının aktiv şəkildə dəyərsizləşdirilməsi aparılır, bu təşkilatlar getdikcə daha çox siyasi alətə çevrilir. Kosmosda silahlanma yarışının qarşısının alınması üçün beynəlxalq səyləri sarsıtmağa, kosmik fəzanı yeni silahlanma meydanına çevirməyə cəhdlər edilir. Bu hərəkətlər birbaşa bizim ölkələrin zəifləməsinə yönəlib və bizi suverenlikdən, öz yolumuzu sərbəst şəkildə seçməkdən, strateji maraqlarımızı reallaşdırmaqdan məhrum etməyə hesablanıb”.