Pleyeri seçin:
Qəzza sakinləri: Soyqırımı və humanitar fəlakət yekunlaşsın
İsrail-HƏMAS danışıqları Qəzza zolağı sakinləri üçün sonuncu ümid yeri hesab edilir. HƏMAS nümayəndəsi Favzi Barhum, əsas prioritetin İsrailin təcavüzünün və Qəzzada dağıdıcı müharibənin dayandırılması olduğunu bəyan edib. Misirdə aparılan danışıqlarda iştirak edən heyət daimi atəşkəs əldə etməyə çalışır. HƏMAS-ın irəli sürdüyü əsas şərtlərə İsrail Ordusunun Qəzzadan tamamilə çıxarılması, humanitar yardıma qoyulan maneələrin aradan qaldırılması, köçürülmüş fələstinlilərin öz yurdlarına geri qaytarılması, Qəzza zolağına nəzarətin Fələstinin milli orqanı tərəfindən həyata keçirilməsi və ədalətli girov mübadiləsinin aparılması daxildir. Qəzza şəhərindən köçürülən insanlar bu proseslərin fonunda "soyqırımı və humanitar fəlakət bitsin" çağırışları ediblər.
Kopyalandı
