Qəzza sakinlərinin gözü niyə yollarda qalıb? | Müharibənin dəhşətini yaşayanlar

Qəzza zolağı sığınacaq imkanları bitdiyi üçün mülki təxliyənin növbəti mərhələsini dəstəkləyə bilməz.

Fələstin anklavının bəyanatına görə, İsrail Qəzza şəhərini hücumla hədələdiyi üçün 2,4 milyondan çox fələstinli görünməmiş humanitar böhranla üzləşib.

İsrail Qəzza zolağına çadır kimi mənzil ehtiyatlarının daxil olmasına icazə verəcəyini açıqladıqdan sonra ehtiyac duyulan 250 min çadırın təxminən 4 faizi ‒ 10 min ədəd çadır çatdırılıb.

Hazırda İsrailin beynəlxalq təşkilatlara tətbiq etdiyi məhdudiyyətlər Qəzza zolağını çadırsız və digər zəruri ləvazimatsız qoyub, yüzminlərlə məcburi köçkün çətinliklə üzləşib.

İsrail ordusundan bildirilib ki, onun qüvvələri HƏMAS-ın hərbi imkanlarını daha da aşağı salmaq üçün Cəbəliyə yenidən daxil olub, yerin üstündə və altındakı infrastrukturu dağıdıb və döyüşçülərin geri qayıtmasının qarşısını alıb.

Bu arada HƏMAS məhbusların qismən mübadiləsinə razılıq verdiyini və tam atəşkəsə hazır olduğunu bildirib, lakin İsrailin Baş naziri Binyamin Netanyahunu Misir və Qətərin vasitəçiliyinə baxmayaraq, razılaşmaya mane olur və isti yanaşmır.

“HAMAS-la girov razılaşması var və bu razılaşmanı qəbul etməliyik.” Bunu isə İsrail Müdafiə Qüvvələrinin Baş Qərargah rəisi general-leytenant Eyal Zamir deyib. "İsrailin Müdafiə Qüvvələri razılaşma üçün şərait yaradıb, indi bu, Netanyahunun əlindədir", ‒ deyə E.Zamir bildirib.