Pleyeri seçin:
Qəzzada ölənlərin sayı 70 mini ötüb
İsraillə müharibə başlayandan indiyədək Qəzza tərəfindən azı 70 125 nəfər həlak olub. Yaralıların sayı isə 171 min nəfəri ötüb.
Oktyabrın 10-da HƏMAS ilə İsrail arasında atəşkəs razılaşması elan olunsa da, insan itkisi artmağa davam edir.
Xarici medianın məlumatına görə, son sutka ərzində anklavdakı xəstəxanalara 8 nəfərin nəşi daxil olub. Dağıntılar altından isə 2 nəfərin cansız bədəni çıxarılıb.
Beləliklə, oktyabrın 11-dən indiyədək İsrailin hücumları nəticəsində Qəzza zolağında azı 366 nəfər həyatını itirib, 938 nəfər isə yaralanıb. 619 nəfərin cansız bədəni dağıntılar altından çıxarılıb.
Bu xəbərin fonunda Fələstin Prezidenti Mahmud Abbas çinli həmkarı Si Cinpinin Qəzzaya humanitar yardım məqsədilə 100 milyon ABŞ dolları ayırmaq qərarını təqdir edib.
Mahmud Abbas Çin liderinə ölkəsinə beynəlxalq səviyyədə göstərdiyi dəstəyə görə minnətdarlığını bildirib.
Kopyalandı
Seçilmişlər
