Qızıl dolu 8620 gəmi barədə nələr üzə çıxdı? | Detallar açıqlandı

28 dekabr 2024 376 baxış

Portuqaliyalı alim ölkə sularında göyərtəsində xəzinələr olan yüzlərlə gəmi aşkar edib.

Arxeoloq Alexander Monteyronun sözlərinə görə, o, 1500-cü ildən bəri Portuqaliya sahillərində baş vermiş 8620 gəmi qəzasının məlumat bazasını tərtib edib.

Bu məlumatları təhlil edən Monteyro belə qənaətə gəlib ki, tərkibində xəzinə olan ən azı 250 gəmi Azor adaları, Madeyra və həmçinin materikdən kənarda yerləşir.

“Materik sahillərində təxminən 7000 gəmi, Azor adalarında 1000 və Madeyrada 120 gəmi var. Orada yoxa çıxıblar”, – deyə o izah edib.

Xüsusilə, Monteyro 1615-ci ildə Faial adasının yaxınlığında batmış flaqman Nossa Senhora da Luz gəmisinin qalıqlarını tapdığını iddia edir.

Arxeoloq onu da bildirib ki, Troya yarımadasının sularında 1859-cu ildə göyərtəsində 22 ton qızıl və gümüşlə batan Nossa Senhora do Rosario gəmisi yerləşir.

Eyni zamanda Monteyro bildirib ki, bu məlumat çoxdan dərc edilib, lakin ölkə hələlik heç bir tədbir görməyib.

#Portuqaliya