Qonşu ölkələrlə əməkdaşlığı özümüz üçün prioritet məsələ qoymuşuq | Olqa Stefanişina

Ukraynanın paytaxtı Kiyevdə keçirilən şəhərlər və regionların inkişafı ilə bağlı beynəlxalq sammitdə ölkənin Avropa İttifaqından gözləntilərinə toxunulub.

Baku TV-nin Şərqi Avropa bürosunun sammitdən verdiyi məlumata görə, Ukrayna Baş nazirinin müavini, Avropa məsələləri üzrə nazir Olqa Stefanişina keçirdiyi brifinqdə bildirib.

O qeyd edib ki, hazırda Avropa İttifaqı ilə prioritet müzakirə mövzusu budur və təşkilatla Ukrayna üçün yeni layihələr razılaşdırılıb.

“Avropa İttifaqına üzvlük hər şeydən əvvəl qələbəmizi möhürləməyə, təkcə silahların köməyi ilə deyil, həm də iqtisadi əlaqələrin köməyi ilə daimi fasiləsiz sülhü təmin etməyə imkan verəcək bir yoldur. Bu gün biz Avropa İttifaqı ilə danışıqlar prosesinə başlamaq üçün rəsmi qərarın qəbulu ərəfəsindəyik. Aİ-yə səyahətimizin bu mərhələsində biz qonşu ölkələrlə tərəfdaşlığın inkişafını özümüz üçün prioritet qoymuşuq. Bunlar Polşa, Macarıstan, Rumıniya, Slovakiya, hətta Bolqarıstan kimi ölkələrdir.

Aİ-nin üzvü olanlar, o cümlədən üzvlük prosesində olanlar təkcə bizim dostlarımız deyil, bazardakı rəqiblərimiz də olacaqlar. Ona görə də bu gün bu əlaqələrimizin inkişafının prioriteti məhz bu məsələnin regional aspektidir. Elə indi, müzakirələr zamanı parlament əvvəlki sazişlərdən fərqli olaraq yüzmilyonlarla regionlararası əməkdaşlıq layihəsinə yol açan 4 əsas sazişi ratifikasiya etdi. Avropa ilə birgə olacaq bu layihələr Ukraynanın işğal altında olmayan bütün ərazisində mövcud olacaq. Əvvəllər bunlar yalnız sərhəd bölgələri idi, lakin bu gündən etibarən Xarkov, Odessa, Nikolaev və Dnepr iştirak edə biləcək”, – o qeyd edib.