"ABŞ İranın heç vaxt nüvə silahı əldə etməyəcəyinə zəmanət verəcək" | Tramp - Baku TV

“İran rəsmiləri nüvə bombası yaratmaq barədə heç vaxt danışmayıblar, "10 bomba" iddiası isə ABŞ-nin uydurmasıdır”.

Bunu İran Xarici İşlər Nazirliyinin sözçüsü İsmayıl Bəqai deyib.

O əlavə edib ki, iyunda baş verən 12 günlük müharibəyə baxmayaraq, Tehranın qərarı danışıqlar prosesinə daxil olmaq idi və sonuncu raundda ilkin anlaşma üçün bəzi əsas parametrlər üzrə razılıq əldə edilib.

Onun sözlərinə görə, İranın nüvə bombası yaratmaq istəyi ilə bağlı iddia heç vaxt Tehran tərəfindən irəli sürülməyib.

"İyirmi ildən çoxdur ki, dünyanı "İranın nüvə bombası" hekayələri ilə qorxudurlar, halbuki bu mövzu reallıqdan daha çox təzyiq məqsədi daşıyır", – deyə Bəqai bildirib.

Qeyd edək ki, Ağ Evin rəhbəri Donald Tramp vurğuylayıb ki, ABŞ tezliklə İranın heç vaxt nüvə silahı əldə etməyəcəyinə zəmanət verəcək.