"Danışıqlar uğursuz olarsa, güc tətbiqi istisna deyil" | Tramp - Baku TV

İran ətrafında gərginlik fonunda hərbi hazırlıq gücləndirilir.

Bu barədə ABŞ Prezidenti Donald Tramp bildirib.

O qeyd edib ki, danışıqlar uğursuz olarsa, güc tətbiqi istisna deyil. Ölkə başçısı ABŞ hərbi gəmilərinin ən yaxşı silahlarla təchiz edildiyini və razılaşmanın baş tutmayacağı təqdirdə onlardan səmərəli şəkildə istifadə ediləcəyini bildirib.

Tramp həmçinin qeyd edib ki, İranın nüvə proqramı üzrə mövqeyində uyğunsuzluqlar mövcuddur.

"Onlar birbaşa üzümüzə deyirlər ki, bütün nüvə silahlarından imtina edirlər, hamısı məhv edilib. Sonra isə mətbuata çıxıb deyirlər: "Xeyr, biz uranı zənginləşdirmək istəyirik". Odur ki, biz bunu aydınlaşdıracağıq", – deyə o qeyd edib.

ABŞ Prezidenti həmçinin İranın təzyiq vasitəsinin yalnız Hörmüz boğazı olduğunu bildirib. O, iranlıların beynəlxalq su yolları vasitəsilə dünyanı qısamüddətli şantaj etməkdən başqa rıçaqlarının olmadığını deyib və əlavə edib ki, onların bu gün sağ olmalarının səbəbi danışıq aparmaqlarıdır.