"İstəyirlər ki, ancaq druzlar yaşasın!" | Suriyanın cənubunda qan su yerinə axır

Suriyanın cənubundakı Əs-Suveyda vilayətində iyulun 13-dən bəri davam edən silahlı toqquşmalarda 1265 nəfər həlak olub.

Sabitliyi bərpa etmək üçün Dəməşqdən cənub bölgələrə ezam olunmuş Müdafiə və Daxili İşlər nazirliklərinin xüsusi təyinatlıları arasında 54 nəfər ölüb. Druzların çoxluq təşkil etdiyi Əs-Suveyda şəhərindən yüzlərlə bədəvi təxliyə edilib.

“Druzların hərbi qruplaşması bizə hücum etdi, onlar sakinlərin yalvarışlarına da məhəl qoymadılar. Məqsəd ərazini sünnilərdən təmizləməkdir. Vilayətdə ancaq druzların yaşamasını istəyirlər”, – köçürülən bədəvilərdən biri söyləyib.

Qeyd edək ki, ərəbləri qətlə yetirən druzlara görə İsrail Ordusu Dəməşqi bombalayıb və Suriya Ordusunun Əs-Suveydadan çıxarılmasını tələb edib. Suriya Ordusu ərazidən çıxandan sonra barışıq əldə olunsa da, silahlı toqquşmalar davam edir. Buna görə də İsrail Ordusu Suriya ilə sərhəddən uzaqlaşmayıb. Bu qərar vəziyyətin gərginləşəcəyi təqdirdə vaxtında müdaxilə üçün verilib.