"Nüvə silahından imtina çağırışları suverenliyə qəsddir" | Kim Yo Cjondan açıqlama

Koreya Xalq Demokratik Respublikasının liderinin bacısı, Koreya Fəhlə Partiyasının Mərkəzi Komitəsinin şöbə müdirinin müavini Kim Yo Cjon nüvə silahından imtina çağırışlarını “suverenliyə qəsd” və ölkənin konstitusiya quruluşuna müdaxilə adlandırıb.

Bu barədə Koreya Mərkəzi Teleqraf Agentliyi xəbər verib.

Şərhə səbəb NATO xətti ilə keçirilən iclasda Koreya Respublikası, ABŞ və Yaponiyanın xarici siyasət idarələrinin başçılarının bəyanatı olub.

Kim Yo Cjon konstitusiyada təsbit edilmiş nüvə statusunun xarici qüvvələrin düşmən təhdidi və müasir beynəlxalq təhlükəsizlik arxitekturasındakı dəyişiklikləri əks etdirən qaçılmaz seçim olduğunu xatırladıb.

“Kimin inkar etməsi və ya tanıması bizi narahat etmir, biz fikrimizi dəyişməyəcəyik. Bu bizim seçimimizdir və onu nə güc, nə də hiyləgər fəndlə dəyişmək olmaz”, ‒ deyə Kim Yo Cjon vurğulayıb.

Onun sözlərinə görə, KXDR-in nüvə qüvvələri təkcə xarici təcavüzü çəkindirmir, həm də regional və qlobal təhlükəsizliyin təmin edilməsinə töhfə verir.