Pleyeri seçin:
"Ölkə daha uzunmüddətli müharibəyə hazır olmalıdır" | Böyük Britaniya niyə narahatdır? - Baku TV
Böyük Britaniya Silahlı Qüvvələrinin Baş Qərargah rəisi Riçard Nayton bildirib ki, hazırda ölkə üçün risk və təhdidlər Soyuq müharibənin başa çatmasından bəri ən yüksək səviyyəyə çatıb.
O bu barədə “BBC Radio 4”ün efirində danışıb.
“Bu mənim xatırladığım ən təhlükəli dövrdür”, – deyə Riçard Nayton bildirib.
Onun sözlərinə görə, Rusiya Böyük Britaniyanın müdafiə sistemini yoxlayır, sınağa çəkir və ona çağırış edir. Eyni zamanda vəziyyəti daha da gərginləşdirərək təhlükəli həddi keçmək riski yaradır.
Nayton qeyd edib ki, Britaniya Ordusu son onilliklər ərzində əsasən qısamüddətli münaqişələrə hazırlaşıb. Lakin indi ölkə daha uzunmüddətli müharibələrə hazır olmalıdır.
“Biz müdafiəyə daha çox vəsait ayırmalı və bunu daha sürətli etməliyik. Resursların yenidən bölüşdürülməsi ilə bağlı çətin qərarların qəbulu nazirlərin vəzifəsidir”, – deyə o vurğulayıb.
Kopyalandı
Seçilmişlər
