Dünya
Pleyeri seçin:
"Paris-2024"də növbəti biabırçılıq | İdmançıların həyatı təhlükəyə girdi
“Paris-2024” Yay Olimpiya Oyunları ilə bağlı şikayətlər günü-gündən artmaqdadır.
Bu dəfə də idmançıların üzməsi üçün nəzərdə tutulan Sena çayı fəlakətlərə yol açıb. Belçikalı triatlonçu Kler Mişel Parisdə yarışdıqdan sonra bağırsaq infeksiyasına yoluxub.
Xəstəxanaya yerləşdirilən idmançı artıq 4 gündür ki, müalicə alır.
Qeyd edək ki, bu, Yay Olimpiya Oyunları zamanı yaşanan ilk belə hadisə deyil. İyulun 31-də baş tutmuş triatlon yarışları başa çatdıqdan sonra Tiler Mislavşukun azı 10 dəfə ürəyi bulanıb.
Səbəb kimi suyun keyfiyyətinin həddindən artıq aşağı səviyyədə olması göstərilir.
Bundan əlavə, Sena çayında nəzərdə tutulmuş triatlon məşq və yarışları vaxtı suyun çirkliliyi səbəbindən oyunlar iki dəfə təxirə salınıb. Yağışların yağması nəticəsində isə onsuz da bakteriya yuvası olan Sena çayının keyfiyyəti daha da aşağı düşüb.
Kopyalandı
Seçilmişlər
