"WASP-69b" Yupiterdən daha ağır qaz nəhəngidir

Yer kürəsinə ən yaxın ekzoplanetin quyruğu planetimizdən 44 dəfə böyükdür. Bu quruluş planetin atmosferindən yaranır.

“WASP-69 b” Yerdən təxminən 160 işıq ili uzaqlıqda yerləşən qaz nəhəngidir. Ölçüləri Yupiterlə müqayisə edilir, lakin kütləsi daha çoxdur. Planet öz ulduzuna çox yaxın yerdə yerləşir və onun ətrafında bir dövrəni cəmi 3,9 günə tamamlayır.

2014-cü ildə kəşf edildikdən sonra alimlər müəyyən ediblər ki, ekzoplanet saniyədə 200 min tona qədər material əsasən helium, həm də az miqdarda hidrogen itirir. Ehtimal olunur ki, bu, ulduza yaxın yerləşdiyi üçün həddindən artıq istiləşmə ilə bağlıdır. Belə getsə, ekzoplanet təxminən 7 milyard illik ömrü ərzində yeddi Yer kütləsini itirə bilər.

Quyruq ekzoplanetin atmosferindən axan qazı sovuran ulduz küləyi sayəsində əmələ gəlir. Günəş küləyinə bənzəyən ulduz küləyi bir ulduz tərəfindən davamlı olaraq atılan yüklü hissəciklərin axınıdır. Ulduz küləyi zəifləsə və ya yox olsaydı, qaçan qaz quyruğa daxil olmağı dayandırardı.

Bu kəşf elm adamlarına qaz nəhənglərinin formalaşması və təkamülünü daha yaxşı öyrənmək üçün imkan yaradıb.