Quşlarla bağlı təsəvvürləri alt-üst edən məlumat

ABŞ və Böyük Britaniyadan olan beynəlxalq alimlər qrupunun etdiyi kəşf ornitoloqların quş qanadlarının əmələ gəlməsi ilə bağlı fikirlərini alt-üst edib.

Yeni kompüter görmə sistemi olan "Skelevision" təsdiq edib ki, quşlarda qanad sümüklərinin uzunluğu Allen qaydasına uyğun gəlir, yəni iqlim nə qədər isti olarsa, ətraflar da bir o qədər uzun olur.

Bu barədə araşdırma "Global Ecology and Biogeography" elmi jurnalında dərc olunub.

Neyron şəbəkə 12 450 nümunəni 96% dəqiqliklə təhlil edib və bütün qitələrdən 1520 növ quşun qanadlarını tədqiq edib.

Nəticələr göstərib ki, isti iqlimlərdə uzun qanadlar uçuş əzələlərindən istiliyi dağıtmağa kömək edir. Bu, qanad formasının yalnız uçuş tələbləri ilə müəyyən edildiyinə dair ənənəvi fikri yenidən nəzərdən keçirməyə vadar edir.

Allen qaydası istiliyin saxlanılması üçün deyil, məhz soyutma üçün işləyir.

Tədqiqat nəinki quşların təkamülünün yeni aspektlərini aşkar etməyə imkan verib, həmçinin müasir texnologiyanın klassik bioloji tədqiqatlarda necə inqilab edə biləcəyini nümayiş etdirib.