Pleyeri seçin:
Qvineya-Bisauda keçid hökuməti yaradılacaq
Xəbərlərimizi Google-da izləyin
Yeniliklərdən dərhal xəbərdar olun
Qvineya-Bisauda hakimiyyətə gələn hərbçilər ölkə ərazisində insanların hərəkəti ilə bağlı əvvəlki məhdudiyyətlərin və komendant saatının noyabrın 28-dən etibarən ləğv olunduğunu elan ediblər.
Bu barədə Ali Hərbi Komandanlığın (AHK) Milli Televiziya vasitəsilə yayımlanan bəyanatında qeyd olunub.
"26 noyabr 2025-ci il hadisələrindən sonra ölkə yollarında insanların və yüklərin hərəkətinə məhdudiyyətlər tətbiq edilmiş, gecə vaxtı komendant saatı elan olunmuşdur", – deyə AHK bildirir.
"Ölkə prezidentinin keçid dövrü üçün and içməsi və qaydaların bərpası məqsədilə Ali Hərbi Komandanlığın yaradılması ilə insanların və yüklərin hərəkəti, həmçinin dövlət müəssisələrinin və özəl şirkətlərin normal fəaliyyətinin bərpası üçün şərait formalaşdı. Yaranmış vəziyyəti təhlil edərək, AHK 28 noyabrdan etibarən bütün əvvəlki məhdudiyyətlərin ləğv olunduğunu elan etmək qərarına gəldi", – deyə bəyanatda bildirilib.
Məlumata görə, yaxın vaxtlarda Qvineya-Bisauda keçid hökuməti yaradılacaq. Komandanlıq ölkədə sakitlik və sabitliyi poza biləcək yürüşlərin, etirazların, nümayişlərin və digər fəaliyyətlərin qadağan olunduğunu bəyan edib.
Kopyalandı
#Qvineya-Bisau Respublikası teqi istifadə olunub
Seçilmişlər
