Razılığımız olmadan seçilən lider hakimiyyətdə qala bilməz | Tramp

09 mart 2026 72 baxış

"İranın yeni ali lideri əvvəlcə Vaşinqtonun razılığını almalıdır, əks halda, o, uzun müddət hakimiyyətdə qala bilməz".

Bunu ABŞ Prezidenti Donald Tramp "ABC News" telekanalına müsahibəsində deyib.

O qeyd edib ki, ABŞ regionda vəziyyətin yenidən gərginləşməsinin qarşısını almaq istəyir və buna görə də İran rəhbərliyində dəyişikliklərin Vaşinqton üçün qəbuledilən olması vacibdir.

Ağ Ev rəhbəri eyni zamanda bildirib ki, mövcud İran hakimiyyəti ilə əlaqəli bir namizədin də təsdiqlənməsi mümkündür. Onun sözlərinə görə, İran rəhbərliyi üçün uyğun hesab edilə biləcək bir çox namizəd var.

D.Tramp əlavə edib ki, Vaşinqton İranın bütün Yaxın Şərq regionunu nəzarətə götürməyi planlaşdırdığını hesab edir və bu səbəbdən mümkün addımların hamısını nəzərdən keçirir.

O həmçinin İranın zənginləşdirilmiş uran ehtiyatlarını ələ keçirmək üçün ABŞ xüsusi təyinatlı qüvvələrinin göndərilməsini də istisna etməyib.

#Donald Tramp