Rəsmi Tehran arsenalı genişləndirir | Moskvadan hansı silahlar alınır? - Baku TV

İran Rusiya ilə müasir daşınan zenit-raket komplekslərinin alınması üzrə 500 milyon avro məbləğində gizli saziş imzalayıb.

Bu barədə "Financial Times" qəzeti mənbələrə və nəşrin əlinə keçən sənədə istinadən xəbər yayıb.

Məlumata görə, dekabrda Moskvada imzalanan sənədlə Rusiya üç il ərzində İran tərəfinə 500 ədəd "Verba" daşınan buraxılış qurğusu və 2500 ədəd "9M336" raketi tədarük etməyi öhdəsinə götürüb. Tədarüklərin 2027-ci ildən 2029-cu ilə qədər üç mərhələdə həyata keçirilməsi planlaşdırılır.

Nəşr qeyd edib ki, saziş Rusiyanın dövlət tədarükçüsü "Rosoboroneksport" ilə İran Silahlı Qüvvələrinin Müdafiə Nazirliyi və Maddi-Texniki Təminat İdarəsinin nümayəndəsi arasında bağlanıb. Müqavilədən məlum olur ki, Tehran bu sistemləri rəsmi şəkildə ötən ilin iyulunda tələb edib.

Qəzet xatırladıb ki, 2025 ci ilin ilin iyununda İsrail 12 günlük müharibə ərzində İranın nüvə obyektlərini hədəfə alıb. ABŞ də münaqişəyə qoşularaq İrandakı əsas nüvə obyektlərini bunkerdələn bombalarla vurub. ABŞ qoşunları İranın üç əsas nüvə obyektinə zərbələr endirib. 12 gün davam edən müharibədə İranda ümumilikdə 1604 nəfər həlak olub.