Roma Papası Türkiyədə səfərdədir

Roma Papası XIV Leo Türkiyədə rəsmi səfərdədir. Türkiyə Prezidenti Rəcəb Tayyib Ərdoğan Papanı Prezident Sarayında qəbul edib.

XIV Leo səfər çərçivəsində Türkiyə Prezidenti Rəcəb Tayyib Ərdoğanla görüşüb.

“Bu gün bizə həmişəkindən daha çox dialoqu təşviq edəcək insanlar lazımdır. Böyük beynəlxalq təşkilatların qurulmasına səbəb olan iki dünya müharibəsinin faciələrindən sonra qlobal səviyyədə münaqişələrin artan dinamikası ilə xarakterizə olunan bir mərhələ yaşayırıq. Mövcud iqtisadi və hərbi güc strategiyaları ilə gücləndirilmiş bu hal Papa Fransisk tərəfindən “parça-parça aparılan Üçüncü Dünya müharibəsi” adlandırılan qarşıdurmaya imkan verir. Biz heç bir şəkildə buna təslim olmamalıyıq. Bəşəriyyətin gələcəyi təhlükə altındadır”, – deyə o bildirib.

Qeyd edək ki, bu, Roma Papasının 11 ildən sonra Türkiyəyə ilk rəsmi səfəridir.