Ronaldo ilə şəkil çəkdirən uşaq kimdir? | Azyaşlı sevincini belə bölüşdü

Türkiyə-Portuqaliya matçında meydana daxil olaraq Kriştiano Ronaldo ilə selfi çəkən oğlan dünyanın trend mövzusuna çevrilib.

Məlum olub ki, həmin uşaq türk olub, adı Berat Uluğdur. Berat matç öncəsi dostları ilə mərc edibmiş.

O, bu barədə atası Çətin Uluğa heç nə deməyib. O, sadəcə “tualetə gedirəm” deyərək meydanı tərk edib. Atası oğlu ilə bağlı bunları deyib:

“Birdən oğlumu ehtiyat skamyanın üstündə gördüm və qaçmağa başladı”.

Almaniya klublarından KSV Hessen Kasselin U11 komandasının 10 nömrəli oyunçusu Berat isə hisslərini belə ifadə edib:

“Arzularımı gerçəkləşdirdim. İndi mənim Kriştiano Ronaldo ilə şəklim var. Mən bunu köynəkdə çap edib otağımda saxlayacağam”.