Rusiya FHN istirahət mərkəzlərindəki yanğına görə təcili hərəkətə keçdi

Rusiyanın Novorossiysk şəhəri yaxınlığındakı istirahət mərkəzlərində ötən gündən başlayan meşə yanğınında təxminən 40 tikiliyə zərər dəyib.

Bu barədə Rusiya Fövqəladə Hallar Nazirliyi xəbər verib.

Bildirilib ki, təbii fəlakət zamanı azı iki nəfər xəsarət alıb. Ümumilikdə yanğının söndürülməsinə 314 nəfər və 84 xüsusi texnika, həmçinin "İl-76" təyyarəsi, "Mi-8" və "Ka-32" helikopterləri cəlb edilib.

Son məlumatlara görə, Dyurso rayonunda yanğının sahəsi 62 hektara qədər artıb. İsti hava və güclü külək vəziyyəti çətinləşdirir.