Rusiya İrandan yeni dronlar alıb

Rusiya Silahlı Qüvvələri İrandan yeni “Şahid” dronları alıb.

Bu barədə Ukrayna Silahlı Qüvvələrinin “Cənub” Birləşmiş Komandanlığının sözçüsü Natalya Qumenyuk məlumat verib.

O bildirib ki, Odessaya hücum edən dron-kamikadzelər Rusiya Ordusunun yeni aldığı silahlardandır. Dronların yeniliyi onların üzərindəki istehsal tarixləri nəticəsində müəyyən olunub.

Qeyd edək ki, Rusiya Ordusunun dronlardan istifadə etməkdə məqsədi insanların psixoloji vəziyyətinə təsir göstərməklə yanaşı, həm də hava hücumundan müdafiə sistemləri və vacib infrastrukturu aşkarlamaqdır.

Bildirək ki, hazırda Baxmut və Xromovo uğrunda ağır döyüşlər gedir. Rusiya Avdeyevka, Vodyanı və Pervomayski istiqamətlərində irəliləməyə cəhdlər edib. Maryinka və Pobeda ərazilərinə də çoxsaylı hücumlar olub, Şaxtyorsk istiqamətində Uqledara tərəf xüsusi həmlələr gerçəkləşdirilib.