Rusiya İstintaq Komitəsində daha bir ittiham | Crocus işi ilə bağlı yeni xəbər

Rusiyanın İstintaq Komitəsi “Crocus City Hall”dakı terror aktında şübhəli bilinən daha bir nəfərin həbsinə dair təqdimat verib.

Rusiya mediasının məlumatına görə, Yakubconi Yusifzoda terror aktının təşkili və törədilməsində iştirakda ittiham olunur.

İttiham aktına əsasən, həmin şəxs terror hadisəsini həyata keçirən dəstənin üzvlərindən birinə bank kartı vasitəsilə müəyyən məbləğdə pulun köçürülməsini təmin edib.

Qeyd edək ki, martın 22-də baş verən terror aktında 144 nəfər həlak olub, 551 nəfər isə yaralanıb.