Rusiya MN-dən helikopter qəzası ilə bağlı təcili məlumat

Rusiyanın Kaluqa vilayətində “Mi-28” hərbi helikopteri qəzaya uğrayıb.

Bu barədə ilk olaraq adıçəkilən vilayətin qubernatoru Vladislav Şapşa özünün “Telegram” kanalında xəbər verib.

Qeyd edib ki, qəza yerində əməliyyat qrupu və xilasedicilər işləyir.

Qısa müddət sonra hadisə barədə Rusiya Müdafiə Nazirliyi də məlumat yayaraq faktı təsdiqləyib. Bildirilib ki, helikopter boş əraziyə düşüb və nəticədə ekipaj üzvləri həlak olub.

Nazirliyin xəbərinə görə, hava nəqliyyat vasitəsinin qəzaya uğramasının ilkin səbəbi texniki nasazlıq olub.

Faktla bağlı araşdırmalara başlanılıb.