Rusiya qətlə yetirilən jurnalistin ölümündə əli olan polisi tapdı

Rusiya İstintaq Komitəsi öldürülən jurnalist Darya Duqinanın ailəsi haqqında pul mükafatı müqabilində məlumat toplayan və yayan polisi müəyyən edib.

Bu barədə Rusiya Federasiyası İstintaq Komitəsinin rəhbəri Aleksandr Bastrıkin bildirib. Dugina 2022-ci il avqustun 20-də axşam saatlarında Moskva yaxınlığındakı Odintsovoda avtomobilinin partlaması nəticəsində həlak olub. Rusiya Federasiyasının təhlükəsizlik xidməti Duginanın qətlinin Ukraynanın xüsusi xidmət orqanları tərəfindən təşkil edildiyini və cinayətkarın ukraynalı Natalya Vovk olduğunu bildirib.

Bastrıkinin sözlərinə görə, ifşa olunan polis zabiti İvan Rıbin Dövlət Yol Müfəttişliyinin federal informasiya sistemindən Duqinlər haqqında əldə etdiyi məlumatı Daniil Çoudxuriyə verib: “Bu iki şəxslə bağlı istintaq yekun mərhələdədir, onlar cinayət işinin materialları ilə tanış olurlar”.

Rusiya Federasiyası İstintaq Komitəsinin rəhbəri onu da bildirib ki, Duqinanın avtomobilini partlatmaq üçün istifadə edilən partlayıcının gücü 500 qram trotilə bərabər olub.

May ayında Rusiya Təhlükəsizlik Şurasının katibi Nikolay Patruşev jurnalist Darya Duqinanın və hərbi reportyor Vladlen Tatarskinin qətlinin, eləcə də yazıçı Zaxar Prilepinin avtomobilinin partladılmasının ABŞ-nin iştirakı ilə Ukrayna tərəfindən törədildiyini iddia edib.