Rusiya savaş xərclərini belə ört-basdır edir? - Müharibə daha da uzansa...

“Rusiya Ukraynaya qarşı müharibəni maliyyələşdirmək üçün federal büdcədə nəzərdə tutulan müdafiə xərclərindən iki dəfə çox xərcləyir. Müharibə daha da uzanarsa, bu sxem çökəcək və Kreml ordunun ehtiyaclarını ödəyə bilməyəcək”.

Bunu “Morgan Stanley” və “Bank of America”nın keçmiş maliyyəçisi Kreyq Kennedi deyib.

Onun sözlərinə görə, Kreml müdafiə müəssisələrinə güzəştli kreditlər verməklə müharibəni maliyyələşdirmək üçün əlavə kölgə sxemindən istifadə edir:

“2022-ci ilin ortalarından etibarən Rusiyada korporativ borclanmada kəskin artım başladı – 71%. Ötən ilin payızına qədər onlar 415 milyard dollar artıb ki, bu da Rusiyanın ÜDM-nin 19,4%-nə bərabərdir”.

K.Kennedinin hesablamalarına görə, bu, Rusiyanın ümumi neft və qaz gəlirlərindən və 2022-ci ilin payızından 2024-cü ilin payızına qədər olan bütün dövr üçün müdafiə büdcəsi xərclərindən çoxdur:

“Bu vəsaitlərin yarıdan çoxu (250 milyard dollara qədər) müharibə ilə əlaqəli və çox vaxt krediti olmayan bizneslər tərəfindən alınan kreditlərdir”.