Rusiya Ukraynaya aviabombalar atıb

Ukrayna Prezidenti Volodimir Zelenski Sumı vilayətinin şimal-şərq bölgələrinin işğaldan azad olunmasının ildönümü ilə əlaqədar həmin ərazilərə səfər edib.

Sumı keçən il Rusiyanın genişmiqyaslı işğalının ilk həftələrində şiddətli döyüşlərin episentri olub. Sakinlərlə görüşən Ukrayna lideri vilayətin müdafiəsində fərqlənən hərbçilərə mükafatlar təqdim edib.

Qeyd edək ki, martın 28-də Rusiya Ordusu Ukraynanın Sumı vilayətinin Belopolye bölgəsinə aviasiya bombaları atıb. Məlumata görə, hücum nəticəsində bir nəfər yaralanıb. Ukrayna Prezident Ofisinin rəhbəri Andrey Yermak sosial şəbəkə səhifəsində hadisə ilə bağlı bildirib ki, bombardman nəticəsində iki şəxsi evə, çoxmənzilli yaşayış binasına və küçədən keçən aşağı təzyiqli qaz kəmərinə ciddi ziyan dəyib.