Rusiya Ukraynaya PUA-larla hücum etdi

Rusiya Ordusu mayın 18-dən 19-na keçən gecə Ukraynaya pilotsuz uçuş aparatları ilə hücum edib.

Düşmən hücum zamanı İran istehsalı “Shahed-136/131” tipli 22 PUA-dan istifadə edib. PUA-lardan 16-sı havada zərərsizləşdirilib. Ukrayna Hava Hücumundan Müdafiə Qüvvələri eyni zamanda Rusiya Ordusunun atdığı 6 “Kalibr” tipli qanadlı raketdən 3-nü də zərərsizləşdirib.

Qanadlı raketlərin Rusiyanın Qara dənizdəki hərbi gəmilərindən buraxıldığı məlum olub. Bu barədə Ukrayna Hərbi Hava Qüvvələri “Telegram”da məlumat verib.