Rusiyada ağlasığmaz hadisə | Ölülərin külündən elə bir şey yaratdılar ki...

Rusiya paytaxtında qeyri-adi bir xidmət – vəfat edən yaxınların külünü həqiqi brilyantlara çevirmək populyarlıq qazanır.

Ölkədə sosial şəbəkələrdə yayılan məlumatlara görə, getdikcə daha çox moskvalı ölən qohumlarının xatirəsini bu cür ekstravaqant üsulla əbədiləşdirmək üçün böyük məbləğ ödəməyə hazırdır. Belə ki, “xatirə brilyantı”nın qiyməti 5 min avro, yəni təxminən 9400 manatdan başlayır.

Mütəxəssislər yüksək qiyməti insan külündən qiymətli daşyaratma prosesinin son dərəcə mürəkkəb və əmək tələb edən bir proses olması ilə izah ediblər. O da vurğulanıb ki, bahalı olmasına baxmayaraq, xidmətə tələbat hər ay artır.

Bununla belə, hüquqşünaslar xəbərdarlıq ediblər ki, mərhum insanın külü ilə bu cür davranış ölülərin cəsədlərinə qarşı təhqir kimi qiymətləndirilə bilər. Lakin Rusiyada hələ ki “xatirə almazları” hazırlanmasına görə məsuliyyətə cəlb edilmə presedenti olmayıb.