Rusiyada bir ailə Putinin şərəfinə görün nə etdi

Rusiyada yeni doğulmuş körpəyə Vladimir Putin adı qoyulub. Oğlan Nijnevartovskda anadan olub.

"Nv86.ru" saytı xəbər verir ki, valideynlər övladlarını Rusiya Federasiyasının Prezidentinin şərəfinə adlandırmaq qərarına gəliblər.

Vladimir Putin Qoşqaroviç 9 fevral 2024-cü ildə anadan olub. Valideynləri oğlan gözlədiklərini bilən kimi ona belə bir ad qoymaq barədə qərar veriblər.

“Ölkə üçün çox işlər görən prezidentimizin heç vaxt unudulmaması üçün oğluma bu adı vermək qərarına gəldim”, – deyə Vladimir Putinin atası "nv86.ru" portalı ilə fikirlərini paylaşıb.

Vladimir Putin 4,1 kq çəkidə və 56 sm boyunda doğulub. O və anası özlərini əla hiss edirlər. Ailəsi onu Putin adlandırır.

Təəssüf ki, bu barədə yayılan çoxsaylı informasiyaların heç birində yeni doğulan körpənin atasının soyadı və ata adı, əslən haralı, hansı millətdən olduqları göstərilmir. Amma uşağın ata adının Qoşqar olması bəzi təxminlərə yol aça bilər.