Pleyeri seçin:
Rusiyada "boş mənzillər"ə həbs qoyulacaq
Rusiya Federasiyasının Dövlət Dumasına **"boş mənzillər"**in sahiblərindən alınaraq dövlətə verilməsini nəzərdə tutan qanun layihəsi təqdim edilib. Bu təşəbbüs yerli hakimiyyət orqanlarına xüsusi şərtlər daxilində mənzilləri boş kimi tanımaq hüququ verir. Mənzillər aşağıdakı meyarlara görə boş hesab edilə bilər: bir ildən çox kommunal borc, iki il ardıcıl olaraq ödənilməmiş əmlak vergisi və ya bir ildən çox müddət ərzində sayğacın oxunmaması ilə yanaşı, sınmış pəncərələr və ya nasaz qapılar kimi açıq-aşkar tərk edilmişlik əlamətləri. Hazırda bu qaydalar yalnız uzaq şimalda və ona bərabər tutulan ərazilərdəki evlərə şamil edilir. Əgər mənzil boş kimi tanınsa, o, bələdiyyə mülkiyyətinə keçəcək, lakin sahiblərinə alternativ yaşayış yeri vəd edilir. Hüquqşünaslar qanunun xaricə mühacirət etmiş ruslara necə təsir edəcəyini müzakirə edirlər.
Kopyalandı
Seçilmişlər
