Dünya
Pleyeri seçin:
Rusiyada dəhşətli qasırğa gözlənilir | Əhaliyə təcili xəbərdarlıq
Moskvaya doğru güclü "Orxan" qasırğası hərəkət edir, Rusiya paytaxtının küçələri su altında qala bilər.
Bu barədə yerli meteorologiya idarəsindən məlumat verilib.
Bildirilib ki, bununla əlaqədar şəhərdə artıq parklar və zoopark bağlanıb. Hazırda "Orxan" qasırğası Moskva vilayətində tüğyan edir, xüsusilə Zveniqorod və Krasnoznamenskdə güclü külək əsir və leysanla müşayiət olunan tufan müşahidə edilir.
Sosial şəbəkələrdə təbii fəlakətin ilkin təsirlərinin görüntüləri yayılıb. Məlumata görə, qasırğa gecə saat 2-3-ə qədər davam edəcək.
Yerli administrasiya Moskva sakinlərini ehtiyat tədbirlərinə riayət etməyə çağırıb, evdə qalmağı və küçəyə çıxmamağı məsləhət görüb. Bundan əlavə, avtomobilləri ağaclardan uzaqda saxlamaq və uşaqları küçəyə tək buraxmamaq tövsiyə olunub.
Kopyalandı
Seçilmişlər
