Rusiyada güclü qasırğa davam edir | Ölənlər var

Rusiyanın paytaxtı Moskvada baş verən güclü qasırğa nəticəsində iki nəfər ölüb, 14 sakin xəsarət alıb.

Ölümlə nəticələnən bədbəxt hadisədən biri şəhərin İvanovskaya küçəsində baş verib. Güclü külək nəticəsində ağac yoldan keçən şəxsin üzərinə aşıb və o aldığı xəsarətlər nəticəsində yerindəcə keçinib.

Digər bədbəxt hadisə isə Moskvanın mərkəzində baş verib. Paytaxt sakini güclü qasırğa nəticəsində uçan inşaat taxtasının altında qalaraq həyatını itirib. Güclü külək başqa bir neçə ərazidə ağacları kökündən qoparıb, avtomobillərin üzərinə aşırıb.

Qasırğa səbəbindən hökumət sakinlərə müraciət edib. İnsanlara küçələrə çıxmamaları və avtomobillə səyahət etməmələri tövsiyə olunub.