Rusiyada növbəti dəfə terrora cəhd edildi | Ölən var

Rusiyada daha bir terror cəhdinin qarşısı alınıb.

Federal Təhlükəsizlik Xidmətinin əməkdaşları Samara vilayətində 30 yaşlı ölkə vətəndaşı tərəfindən planlaşdırılan terror aktının həyata keçirilməsinə mane olublar.

Yerli medianın yaydığı məlumata görə, qanunsuz fəaliyyət göstərən “Rusiya Könüllülər Korpusu”nun üzvü terroru həyata keçirmək istəyərkən saxlanılıb. Bu zaman o, üzərindəki qurğunu partladaraq həyatını itirib.

Hadisə nəticəsində təhlükəsizlik işçiləri və mülki şəxslər xəsarət almayıb. Bildirilib ki, sözügedən təşkilat Ukraynanın himayəsi altında fəaliyyət göstərir.

Qeyd edək ki, həmin şəxsin evindən partlayıcı maddələrin hazırlanması üçün xüsusi laboratoriya, eləcə də istifadəyə hazır PUA aşkar edilib. Onun telefonunda terror törədəcəyinə dair yazışmalar və potensial təxribat cəhdlərində iştirakını təsdiqləyən materiallar aşkar edilib.