Rusiyada "Harri Potter" və “Böyük şəhərdə məhəbbət” filmləri qadağan edilə bilər

Rusiya “uşaqsız həyat təbliğatı” şübhəsinə görə məşhur xarici serialların nümayişini məhdudlaşdırmağa hazırlaşır.

Qadağan oluna biləcək layihələrin siyahısını “Parlamentskaya qazeta” nəşri dərc edib.

Sentyabrın 1-dən Rusiyada “Roskomnadzor”un uşaqsız həyat təbliğatı” üçün məlumatların bloklanmasına icazə verən əmri qüvvəyə minir. Bu tərifə “uşaq sahibi olmaqdan imtinanı təşviq edən və ya belə bir seçimə haqq qazandıran” materiallar daxildir.

“Parlamentskaya qazeta” yeni sənədin fonunda onlayn kinoteatrlardan silinə biləcək film və serialların siyahısını dərc edib. Nəşr ekspertlərin rəyinə istinad edir, lakin hakimiyyətdən hələlik rəsmi təsdiq yoxdur.

Təhdid altında olan layihələr arasında aşağıdakılar var: “Kart evcik” – burada “qəhrəman” Kler bir epizodda analıq ehtiyacını şübhə altına alır; “Böyük şəhərdə məhəbbət” – bu serialda Samanta adlı personaj “uşaqsız həyat”ı təbliğ edir; “Taxt-tac oyunları” – Brienn cəngavərlik naminə ailəsindən imtina edir; “Harri Potter” serialı – Ekran işi uşağı olmayan professor Makqonaqaldan bəhs edir.

Bu “tapıntılar”ın faktiki bloklama təcrübələrində nə dərəcədə əks olunacağı hələ də bəlli deyil. Lakin belə bir siyahının federal nəşr tərəfindən dərc edilməsi artıq geniş rezonansa səbəb olub.

Qeyd edək ki, son bir neçə ildə Rusiyada sovet dövrünün ənənələri yavaş-yavaş bərpa edilir, ədəbiyyat, incəsənət əsərlərinə senzura tətbiq etmək, məzmunlarını nəzarətə almaq cəhdi də o sıradadır.