Rusiyalı aktrisanın ölümü gündəmi silkələdi | Faciəvi hadisənin hər anı kameralara düşdü

Rusiyalı aktrisa istirahətə getdiyi məkanda faciəvi şəkildə ölüb.

Tailandın tətil zonası olan Ko Samuidə dincələn aktrisa Kamilla Belyatskaya qayalıqlar üzərində yoqa edərkən dalğalar onu yıxıb. Onun həyatını xilas etmək mümkün olmayıb.

Hadisə cümə günü Lad Ko adlı məşhur mənzərəli yerdə baş verib. Kameralarda onun yoqa matı üzərində oturduğu anda dalğa tərəfindən sürükləndiyi görünür. Hadisəni görən biri onu xilas etməyə çalışsa da, axın çox güclü olub. Xilasedicilər 15 dəqiqə sonra gəliblər, lakin 3 metrlik dalğalar işlərini çətinləşdirib.

Rəsmilər bildiriblər ki, orada üzmək olmaz, amma dalğa qəfil gəlib. K.Belyatskayanın cəsədi bir kilometr uzaqda tapılıb.

Hadisədən sonra qayalıq bölgəyə giriş qadağan edilib. Musson mövsümündə Tailandda hava tez dəyişir və dəniz təhlükəli olur. Rəsmilər insanları xəbərdarlıq işarələrinə diqqət etməyə çağırırlar.