Rusiyalı onkoloq xərçəngdən qoruyan qidaların siyahısını açıqladı,

Qidalanma rejimini dəyişdirməklə süd vəzi xərçənginə tutulma riskini azaltmaq olar.

Bu barədə rusiyalı onkoloq Vladimir İvaşkov öz "Telegram" kanalında danışıb.

O, bu məqsədlə qadınlar üçün gündəlik rasiona əlavə edilə biləcək məhsulları sadalayıb. İvaşkov antioksidant və liflə zəngin olduğuna görə tərəvəz və meyvələrin rasionun əsas hissəsini təşkil etməli olduğunu bildirib.

Həkim həmçinin qadınlara müxtəlif sıyıqlar, qəhvəyi düyü və tam taxıllı çörək əlavə etməyi tövsiyə edib.

Bundan əlavə, mütəxəssis həftədə iki-üç dəfə balıq, zeytun yağı, avokado və qoz-fındıq yeməyi məsləhət görüb. Çünki bu məhsulların tərkibində faydalı yağlar boldur.

Eyni zamanda o qeyd edib ki, şəkər, şirniyyat, alkoqollu içkilər, fastfud və yağlı ət rasiondan tamamilə çıxarılmalıdır.