Rusiyalı senator Dmitri Savelyev saxlanıldı | Hadisənin təfərrüatı

Rusiyalı senator Dmitri Savelyev Federasiya Şurasında saxlanılıb. O, qətlin təşkilində iştirakda şübhəli bilinir.

Bundan əvvəl Baş prokuror İqor Krasnov senator Savelyevin toxunulmazlığının ləğv edilməsi xahişi ilə Federasiya Şurasına müraciət edib. Toxunulmazlığı əlindən alınan siyasətçi Duma binasından çıxarkən saxlanılıb.

Dmitri Savelyev 2016-cı ildən Federasiya Şurasının üzvüdür. Parlamentin yuxarı palatasında Tula vilayətini təmsil edir.

Onun səlahiyyətləri sentyabrda başa çatacaqdı. Federasiya Şurasına daxil olana qədər Savelyev 17 il Dövlət Dumasının deputatı olub.

Xatırladaq ki, Dmitri Savelyev şəxsi nifrət zəminində muzdlu qatil tutaraq rusiyalı biznesmenin öldürülməsini sifariş etməkdə şübhəli bilinir.