Rusiyanın enerji şirkətlərinə qarşı elan edilən sanksiyaların qlobal bazarlara təsiri

ABŞ-nin Rusiyanın iki ən iri enerji şirkəti ‒ “Rosneft” və “Lukoil”a qarşı elan etdiyi sanksiyalar qlobal bazarlarda dərhal təsirini göstərib.

Neftin “Brent” markasının qiyməti 3 dollar bahalaşaraq bir barel üçün 64,35 dollara yüksəlib. Bu, son ayların ən kəskin artımlarından biri hesab olunur.

Eyni zamanda Rusiyanın əsas ixrac markası olan “Urals” neftinin də qiyməti artıb ‒ 56,83 dollar/barel səviyyəsinə çatıb ki, bu da 1,55% bahalaşma deməkdir.

Qeyd edək ki, “Urals” markası Rusiya büdcəsi üçün strateji əhəmiyyət daşıyır. Moskva 2025-ci il büdcəsini məhz 70 dollar/barel səviyyəsində hesablayıb. Bu səbəbdən yeni sanksiyalar və qiymət dalğalanmaları Rusiya iqtisadiyyatı üçün əlavə risklər yaradır.

Analitiklərin fikrincə, ABŞ sanksiyaları Rusiya neftinin ixracını çətinləşdirsə də, qlobal bazarda təklifin azalması nəticəsində “Brent” və “Urals” markalarının qiymətinin müvəqqəti yüksəlişinə səbəb olub.

Ekspertlər bildirirlər ki, sanksiyaların uzunmüddətli təsiri həm Rusiyanın ixrac gəlirlərinə, həm də qlobal enerji bazarının sabitliyinə ciddi təsir göstərə bilər.