Dünya
Pleyeri seçin:
Rusiyanın neft bazasına PUA hücumu
Ukrayna yanvarın 19-u səhər saatlarında pilotsuz uçuş aparatları ilə Rusiyanın Bryansk vilayətindəki neft bazasını vurub.
Bu barədə ölkənin Müdafiə Nazirliyi məlumat yayıb.
Bildirilib ki, Rusiyanın hava hücumundan müdafiə sistemləri Ukraynaya məxsus təyyarə tipli PUA-nı havada vurub. Nəticədə aparatın sursatları neft bazasının üzərinə düşüb və yanğın baş verib.
Alovun söndürülməsi üçün dərhal əraziyə Fövqəladə Hallar Nazirliyinin 13 yanğınsöndürən texnikası və içərisində 120 ton su olan qatar cəlb olunub.
Regionun qubernatoru Aleksandr Boqomaz da məlumatı təsdiqləyib. Əlavə edib ki, Ukrayna Silahlı Qüvvələri Klintsı ərazisindəki obyektləri hədəf alıb.
Kopyalandı
Seçilmişlər
