Rusiyaya məxsus Su-24M bombardmançısı məhv edilib - Baku TV

Ukraynanın Milli Qvardiyasının “Omega” xüsusi təyinatlı dəstəsi Krımın Saki aerodromunda Rusiyaya məxsus Su-24M cəbhə bombardmançısını məhv edib.

“UNİAN”ın məlumatına görə, təyyarə döyüş tapşırığına hazırlaşdığı vaxt zərbə endirilib. Məhv edilən Su-24M cəbhə bombardmançısının təxmini dəyəri 30 milyon ABŞ dolları təşkil edir.

Bu arada, Böyük Britaniyanın Baş naziri Kir Starmer ölkənin hava məkanının müdafiəsi üçün Ukraynaya 16 müasir təyyarənin tədarükü üçün 300 milyon avro ayrıldığını elan edib. Bu barədə Starmer Ukrayna Prezidenti Volodimir Zelenski ilə birgə mətbuat konfransında bildirib.

“Məmnuniyyətlə diqqətə çatdırıram ki, Böyük Britaniya İsveçlə birgə Ukraynanın hava məkanını müdafiə etməyə kömək edəcək 16 yeni müasir təyyarənin tədarükü üçün 300 milyon avro məbləğində dəstək göstərəcək”, – deyə o əlavə edib.