Ruslar ukraynalı əsgərləri ələ saldı | Raketi kim atıb?

Ukrayna Silahlı Qüvvələrinin əsgərləri üzərində “Crocus Sity Hall-da” yazılan ABŞ istehsalı antiradar raketini buraxıblar. Lakin ehtiyatsızlıq səbəbindən sursat hərbçilərin olduğu mövqelərindən birinin yaxınlığına düşüb.

Rusiya mediasında isə baş verən tragikomik hadisənin Ukraynanın öz səhvinin olması fikri öz əksini tapıb.

“Məktəbdə ingilis dili dərslərini yarımçıq qoyan ukraynalı pilotlar nasazlıq səbəbindən öz mövqelərinə “Crocus Sity Hall-da” adı ilə raket buraxıblar. Buraxılan sursatın üzərində də orfoqrafik səhvə yol verərək, “Crocus City Hall” yazmaq yerinə “Crocus Sity Hall-da” yazıblar”, – deyə məlumatda qeyd olunub.

Buna baxmayaraq, Ukrayna Silahlı Qüvvələrinin bəzi döyüşçüləri raketin Rusiya tərəfindən buraxıldığını iddia edib. Hərbçilər qarşı tərəfi geri hücum əməliyyatı ilə hədələyib.