Pleyeri seçin:
Şahın bağışlanmayan səhvi, varisin qayıdışı: İranda şah hakimiyyəti niyə devrilmişdi? - ARAŞDIRMA
İran səhrasında tonlarla qida, minlərlə şüşə şərab, yaşıllıq və xaricdən gətirilmiş quşlarla misilsiz bir şou quruldu. Məqsəd qədim imperiyanın guya yenidən dirçəlişini dünyaya nümayiş etdirmək idi.
Bu ideya Məhəmməd Rza şah Pəhləviyə məxsus idi. O, İranın yalnız neft ölkəsi kimi deyil, böyük tarixə sahib imperiya kimi tanınmasını istəyirdi.
Persepol yaxınlığında dəbdəbəli çadır şəhərciyi salındı, Parisdən aşpazlar gətirildi, dünyanın müxtəlif ölkələrindən dövlət başçıları dəvət olundu.
Hazırlıqlar 13 ay əvvəl başlamışdı. Səhrada tikinti aparıldı, əqrəblər və ilanlar kimyəvi maddələrlə məhv edildi. Fransadan 15 min ağac gətirildi, Avropadan 50 min quş buraxıldı, lakin bir neçə gün sonra su çatışmazlığı və sərt iqlimə dözməyən quşların çoxu tələf oldu.
Xalq bu israfı bağışlamadı. 1971-ci ildə keçirilən ziyafət şahla xalq arasındakı uçurumu dərinləşdirdi. 1973-cü ildə üzr istənsə də, artıq gec idi. 1979-cu ildə imperiya süqut etdi.
Kopyalandı
Seçilmişlər
